Fələstin tərəfdarı etirazçılar "Utanc", "Əllərinizdə qan var" və "Soyqırımçı Co" kimi şüarlar səsləndiriblər
Fələstin tərəfdarı etirazçılar Dublinin Triniti Kollecinə səfəri zamanı ABŞ-ın keçmiş Prezidenti Co Bayden və həyat yoldaşı Cillə süd qutuları atıblar. AYNA.AZ xəbər verir ki, bu barədə “The Telegraph” qəzeti məlumat yayıb.
Qəzetin məlumatına görə, etirazçılar həmçinin "Utanc", "Əllərinizdə qan var" və "Soyqırımçı Co" kimi şüarlar səsləndiriblər. Nümayişçilərdən biri qışqırıb: "Biz soyqırımda iştirak etməyəcəyik. Co Bayden bu kampusa buraxılmayıb".
Bir müddət əvvəl İsrail danışıqları üzrə mütəxəssis Gerşon Baskin “The Times” qəzetinə bildirib ki, Qəzza atəşkəs müqaviləsinin şərtləri Baydenin Vaşinqton administrasiyası dövründə hazırlanıb, lakin onlar İsrail tərəfindən təsdiqlənməyib. Amerika tərəfi də təklif olunan razılaşmanı ciddiyə almayıb.