Magistraturaya sənəd qəbulunun vaxtı uzadılıb

Xəbərlər

17.05.2022 - 21:13

20618 bakalavr artıq ərizəsini təsdiq edib

Magistraturaya qəbul imtahanının ikinci cəhdində iştirak etmək üçün sənəd qəbulunun müddəti 18 may saat 10:00-dək uzadılıb. Bu barədə AYNA-ya Dövlət İmtahan Mərkəzindən (DİM) bildirilib.

Qeyd edilib ki, bu gün saat 18:32-yə olan məlumata görə, 20618 bakalavr artıq ərizəsini təsdiq edib.

Onlardan 18 921-si Azərbaycan, 1697-si isə rus bölməsi üzrə təhsil alanlardır.

Qeyd edək ki, sənəd qəbulunun müddəti bu gün 23:59-da başa çatmalı idi.

Müəllif: Ayna.az