Bülüldüz kəndi ərazisində bir ədəd kəllə sümüyü və digər sümük fraqmentləri aşkar edilib
Laçın rayonunun Bülüldüz kəndi ərazisində insana məxsus olması ehtimal edilən bir ədəd kəllə sümüyü və digər sümük fraqmentləri aşkar edilib. AYNA xəbər verir ki, bu barədə Baş Prokurorluğun Mətbuat Xidməti məlumat yayıb.
Bildirilib ki, aprelin 25-də Bülüldüz kəndi ərazisində mühəndis-istehkam işləri aparılarkən insana məxsus olması ehtimal edilən bir ədəd kəllə sümüyü və digər sümük fraqmentlərinin aşkar edilməsi faktı ilə bağlı Qubadlı Rayon Prokurorluğunda araşdırma aparılır.