Bundan əvvəl itkin düşmüş hesab edilən 6 şaxtaçının meyitinin tapıldığı bildirilib
Kolumbiyanın El-Suliya bələdiyyəsində şaxtada baş verən partlayış nəticəsində azı 12 şaxtaçı ölüb, daha 3 nəfərin axtarışları davam edir. AYNA xəbər verir ki, bu barədə bazar günü ölkənin Mülki Müdafiə Departamenti tviterdə məlumat yayıb.
"Biz El-Suliyadakı “La Mestisa” mədənində xilasetmə əməliyyatına yardım göstərməyə davam edirik. Bu günə qədər xilasedicisi qrup 11 meyiti çıxarıb", - deyə məlumatda deyilir.
Bundan əvvəl itkin düşmüş hesab edilən 6 şaxtaçının meyitinin tapıldığı bildirilib. Partlayışdan dərhal sonra daha bir şaxtaçı yanıq xəsarətləri ilə xəstəxanaya çatdırılsa da, həkimlər onu xilas edə bilməyiblər.
Hadisə mayın 30-da baş verib. İlkin olaraq mədən daxilində qayaların uçması səbəbindən 14 şaxtaçının bloklandığı xəbər verilib. Səlahiyyətli şəxslər mədəndə qazın yüksək konsentrasiyasının axtarış-xilasetmə əməliyyatına mane olduğunu bildirir.