Naməlum şəxs valyutadəyişmə məntəqəsinə qumbara atıb
Bu gün Əfqanıstanın paytaxtı Kabil şəhərindəki böyük valyutadəyişmə məntəqələrinin birində güclü partlayış olub. AYNA xarici mediaya istinadən bildirir ki, partlayışda zərər çəkənlər var.
Kabil təcili yardım xidməti nümayəndəsinin verdiyi məlumata əsasən, partlayış nəticəsində 50-dən çox insan yaralanıb.
Əfqanıstan Daxili İşlər Nazirliyinin məlumatına görə, naməlum şəxs qarət məqsədilə valyutadəyişmə məntəqəsinə qumbara atıb. Cinayətkar qaçıb gizlənə bilib.