Universiteti iki hesabat yayımlayıb: biri kampusda antisemitizm və anti-İsrail əhval-ruhiyyəsi, digəri isə antiislamizm haqqındadır
Harvard Universiteti iki hesabat yayımlayıb: biri kampusda antisemitizm və anti-İsrail əhval-ruhiyyəsi, digəri isə antiislamizm haqqındadır. AYNA.AZ bu barədə BBC—yə istinadən bildirir.
Harvard Universitetinin rəhbəri Alan Qarber universitetin tələbələrin və işçilərin gözləntilərini doğrultmadığına görə üzr istəyib. ABŞ Prezidenti Donald Trampın Harvardı federal qrantlardan məhrum etmək qərarına haqq qazandırması antisemitizmin yayılmasıdır.
"2023-2024-cü tədris ili məyusluq və ağrı ilə dolu oldu. Cəmiyyətimizə haqlı olaraq qoyulan yüksək gözləntilərdən geri qaldığımız zamanlar üçün üzr istəyirəm", Qarber hesabatların açıqlandığını elan edərkən deyib.
Hesabatlar üzərində iki xüsusi komitə işləyib: biri antisemitizm və anti-İsrail əhval-ruhiyyəsi, digəri isə müsəlman, ərəb və anti-Fələstin əhval-ruhiyyəsi barədə.
Antisemitizmlə bağlı hesabat 311 səhifə, antiislamizmlə bağlı hesabat isə 222 səhifədir. Hər iki hesabatda kampus mədəniyyəti və universitetin vəziyyətə reaksiyası tənqid olunub.
Aprelin ortalarında ABŞ Təhsil Departamenti Harvarda federal qrantların dondurulduğunu elan etdi. Buna səbəb universitetin departamentin tələblərini yerinə yetirməkdən imtina etməsi olub.
Bunun ardınca Tramp Harvardı xüsusi vergi statusundan və beynəlxalq tələbələri qəbul etmək imkanından məhrum etməklə hədələyib.
Universitet Ağ Ev administrasiyasına qarşı iddia qaldıraraq, maliyyələşmənin bərpasını tələb edib.