“Dəniz Qüvvələri tezliklə NATO-nun ilk daimi dəniz qrupuna “Hamina” sinifli raket gəmisi yerləşdirəcək”
Finlandiya Baltik dənizində sualtı infrastrukturun mühafizəsi üçün NATO-nun “Baltic Sentry” missiyasında “Hamina” sinfinə aid raket gəmisi yerləşdirəcək. AYNA xarici mediaya istinadən bildirir ki, bu barədə Finlandiya Hərbi Dəniz Qüvvələri Komandanlığı məlumat yayıb.
“Dəniz Qüvvələri tezliklə NATO-nun ilk daimi dəniz qrupuna “Hamina” sinifli raket gəmisi yerləşdirəcək”, - deyə məlumatda bildirilib.
Daha əvvəl Finlandiya hüquq-mühafizə orqanları Kuk adaları bayrağı altında üzən “Eagle S” neft tankerini “EstLink 2” sualtı kabelinə ziyan vurmaqda şübhəli bilərək saxlayıblar.