İlkin istintaqla əlaqədar hadisənin detalları gizli saxlanılır
Ermənistanın Lori əyalətində baş verən atışmada bir nəfər yaralanıb. AYNA.AZ erməni mediasına istinadən bildirir ki, hadisə 16 iyulda, təxminən saat 19:50-də baş verib.
Polisə Stepanavan Tibb Mərkəzindən bir kişinin güllə yarası ilə xəstəxanaya yerləşdirilməsi barədə məlumat daxil olub.
Zərərçəkənin 30 yaşlı İrəvan sakini Gevorq T. olduğu müəyyənləşib.
Mənbənin sözlərinə görə, o xəstəxanaya Ovardzi kəndindən aparılıb.
Stepanavan İstintaq İdarəsi hadisə ilə bağlı cinayət işi açıb. Hadisənin bütün hallarını və iştirak edən şəxsləri müəyyən etmək, eləcə də cinayətdə istifadə edilən silahın yerini müəyyən etmək üçün istintaq və əməliyyat-axtarış tədbirləri aparılır.
İlkin istintaqla əlaqədar hadisənin detalları gizli saxlanılır.