Kilian Mbappe dünya çempionatının ən sərrast futbolçusu seçilib
Qətərdə keçirilən dünya çempionatının ən sərrast futbolçusu müəyyənləşib.
AYNA xəbər verir ki, bu ada Fransa millisinin hücumçusu Kilian Mbappe sahib olub. Argentina ilə final matçında (3:3) het-trik edən 24 yaşlı hücumçu mundialı 8 qolla başa vurub.
Qeyd edək ki, həlledici qarşılaşmanın penaltilər seriyasında Fransaya qalib gələn Argentina millisi (4:2) üçqat dünya çempionu olub.