Daha 3 erməni hərbçinin meyitinin qalıqları təhvil verilib

Hərbçilərin şəxsiyyəti ekspertizadan sonra məlum olacaq 

Qarabağdakı döyüşlər zamanı ölən daha 3 erməni əsgərin cəsədinin qalıqları qarşı tərəfə təhvil verilib.

AYNA xəbər verir ki, bu barədə “Sputnik Armeniya” məlumat yayıb.

Meyitlər Şuşa ərazisində aşkarlanıb. Bildirilir ki, ölən hərbçilərin şəxsiyyəti məhkəmə-tibbi ekspertizasından sonra müəyyənləşdiriləcək.

Bununla da indiyədək tapılan erməni hərbçilərinin meyitlərinin sayı 1 673-ə çatıb.