Ceyhun Bayramov Çavuşoğluya zəng edib

Xəbərlər

29.05.2023 - 02:43

Nazir “Cümhur İttifaqı”nın səs çoxluğu ilə qətiyyətli qələbəsi münasibətilə həmkarına təbriklərini çatdırıb

28 may 2023-cü il tarixində Azərbaycan Respublikasının xarici işlər naziri Ceyhun Bayramov Türkiyə Respublikasının xarici işlər naziri Mövlud Çavuşoğluna zəng edib. AYNA xəbər verir ki, bu barədə Xarici İşlər Nazirliyindən (XİN) məlumat verilib.

Nazir C.Bayramov Türkiyədə keçirilən prezident və parlament seçkilərində Türkiyə Respublikasının Prezidenti cənab Rəcəb Tayyib Ərdoğanın və “Cümhur İttifaqı”nın səs çoxluğu ilə qətiyyətli qələbəsi münasibətilə nazir Çavuşoğluna təbriklərini çatdırıb.

Azərbaycanla qardaş Türkiyə arasında strateji müttəfiqliyimizin daha da möhkəmlənəcəyinə, ikitərəfli və regional çərçivədə hərtərəfli əlaqələrimizin genişlənəcəyinə əminlik ifadə olunub.

Xarici işlər naziri Çavuşoğlu göstərilən diqqətə və təbrikə görə minnətdarlığını bildirib.

Müəllif: Ayna.az