Müraciət MSK üzvləri tərəfindən səsə qoyularaq qəbul edilib
Bu gün Mərkəzi Seçki Komissiyasının (MSK) növbəti iclası keçirilib.
AYNA xəbər verir ki, MSK sədri Məzahir Pənahovun sədrliyi ilə keçirilən iclasda V çağırış Azərbaycan Respublikası Milli Məclisinin deputatı Rafael Cəbrayılovun səlahiyyətlərinə xitam verilməsi məsələsinə baxılıb.
İclasda qeyd edilib ki, Rafael Cəbrayılovun mandatından imtina etməklə bağlı parlamentə müraciət etməsi ilə əlaqədar Milli Məclis onun deputat səlahiyyətlərinə xitam verilməsi üçün MSK-ya müraciət göndərib.
Müraciət MSK üzvləri tərəfindən səsə qoyularaq qəbul edilib.
Xatırladaq ki, millət vəkili vəsiqəsini girov qoyaraq borc götürməklə gündəmə gəlmişdi. Bundan sonra o, Parlamentə müraciət edərək, mandatından imtina etdiyini və istefa verdiyini bildirmişdi.
