Rusiyaya qarşı sanksiyalar artmaqdadır
Böyük Britaniyanın xarici işlər naziri Liz Tras Rusiyaya qarşı tətbiq olunan daha 65 sanksiyanı açıqlayıb.
AYNA-nın APA-ya istinadən xəbərinə görə, xarici işlər naziri Liz Tras strateji sənayeləri, bankları və biznes elitalarını, bir çox müdafiə şirkətləri və "Rusiya Dəmir Yolları"nı hədəf alan 65 sanksiya elan edib.
Sanksiyaya məruz qalan şəxslər arasında milyarder neft maqnatı Evgeni Şvidler, "Tinkoff Bank"ın təsisçisi Oleq Tinkov, Rusiyanın ən böyük bankı "Sberbank"ın baş direktoru German Qref və xarici işlər naziri Sergey Lavrovun ögey qızı Polina Kovaleva da var.