Baydenlə Ərdoğan arasında telefon danışığı olub

Dünya

30.05.2023 - 03:30

Bayden Türkiyədə keçirilmiş seçkilərin nəticələrinin faydalı olmasını arzulayıb

ABŞ Prezidenti Cozef Bayden Türkiyə Prezidenti Rəcəb Tayyib Ərdoğana telefonla zəng edərək onu yenidən dövlət başçısı seçilməsi münasibətilə təbrik edib.

AYNA xəbər verir ki, bu barədə Türkiyə Prezident Administrasiyası məlumat yayıb.

Məlumata görə, Bayden Ərdoğanı prezident seçkilərində uğur qazanması münasibətilə təbrik edib və nəticələrin Türkiyə xalqı üçün faydalı olmasını arzulayıb.

Türkiyə-ABŞ əlaqələrinin regional və qlobal çağırışlar qarşısında daha böyük əhəmiyyət kəsb etdiyini bildirən iki lider, yeni dövrdə iki ölkə arasında bütün məsələlərdə əməkdaşlığın təkmilləşdirilməsi barədə razılığa gəliblər.

Müəllif: Ayna.az