Bu addımın humanitar böhranın qarşısını almaq üçün atıldığı deyilir
ABŞ Prezidenti Co Bayden keçmiş Prezident Donald Trampın “əcnəbi terror təşkilatları” siyahısına əlavə etdiyi husiləri siyahıdan çıxarmağa hazırlaşır. AYNA xəbər verir ki, bu barədə ABŞ mətbuatına Bayden adminstrasiyasından məlumat verilib və adminstrasiyasının sözügedən qərarla bağlı Konqresi məlumatlandırdığı qeyd edilib.
Adminstrasiya rəsmisi yeni rəhbərliyin mövqeyində də husilərlə bağlı dəyişiklik olmadığını, sadəcə sözügedən addımın Yəməndəki humanitar böhranın daha da pisləşməməsi üçün atıldığını bildirib: “Əvvəlki rəhbərliyin atdığı addım (husiləri terror təşkilatı siyahısına əlavə etməsi) humanitar böhranı dərinləşdirdirmişdi və bunun qarşısını almaq üçün belə bir addım atılır”.
Qeyd edək ki, Bayden bir neçə gün bundan ABŞ-ın Yəməndə Səudiyyə Ərəbistanına verdiyi hərbi yardımı dayandıracağını açıqlayıb.