“Azərsu” ASC-yə məxsus 160 metr yararsız su xətti yenilənir
Bakının Tbilisi prospekti ilə Şəfayət Mehdiyev küçəsinin kəsişməsindən Azər Əliyev küçəsi istiqamətində nəqliyyat vasitələrinin hərəkəti müvəqqəti dayandırılacaq. AYNA xəbər verir ki, bu barədə Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli bildirib.
Baş inspektor deyib ki, buna səbəb “Azərsu” ASC-yə məxsus 160 metr yararsız su xəttinin yenilənməsidir: “Bununla bağlı qeyd olunan yollar 26 avqust 18:00-dan 28 avqust saat 08:00-a qədər bağlı olacaq. Həmin müddətdə Tbilisi prospektindən hərəkət yalnız Şəfayət Mehdiyev küçəsinə istiqamətdə mümkün olacaq”.
“Yol polisi sürücülərdən görülən işlərlə bağlı səbirli olmağı, yol hərəkəti qaydalarına əməl etməklə təyin olunmuş istiqamətlərdə hərəkət etməyi xahiş edib”, - DYP rəsmisi vurğulayıb.