Dövlət Su Ehtiyatları Agentliyi abonentlərə xəbərdarlıq edib
Azərbaycanın Şirvan, Hacıqabul, Saatlı, Sabirabad, Salyan, Neftçala, Biləsuvar şəhərlərinə, magistral su kəmərlərinin marşrutu boyu yerləşən kəndlərə, həmçinin Bakının Qaradağ rayonuna və Səbail rayonunun bir hissəsinə içməli suyun verilişində məhdudiyyətlər olacaq.
Bu barədə AYNA-ya Azərbaycan Dövlət Su Ehtiyatları Agentliyindən bildirilib.
Məhdudiyyətlərə səbəb son günlər regionlarda müşahidə olunan intensiv yağıntılarla əlaqədar Kür Sutəmizləyici Qurğular Kompleksində və Kür-Bakı magistral su kəmərində zəruri təmir-bərpa işlərinin aparılmasıdır.
Qurum yaranmış narahatlıqla əlaqədar abonentlərdən üzr istəyir.