Yanğın mühafizə bölmələri tərəfindən söndürülüb
Bakı şəhərinin Nizami rayonunda ümumi sahəsi 300 kvadratmetr olan birmərtəbəli obyektin (restoran kimi fəaliyyət göstərir) taxtadan ibarət zalının yanar konstruksiyaları 120 kvadratmetr sahədə və mətbəxinin yanar konstruksiyaları 20 kvadratmetr sahədə yanıb. AYNA xəbər verir ki, bu barədə Fövqəladə Hallar Nazirliyi (FHN) məlumat yayıb.
Qeyd olunub ki, yüksək temperaturdan köməkçi otağın lambirdən ibarət tavanı 7 kvadratmetr sahədə əriyib.
Obyektin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.