Torpaq sürüşməsi nəticəsində 27 nəfər də ciddi zərər görüb
Çinin cənub-qərbində torpaq sürüşməsi baş verib. AYNA xarici mətbuata istinadən xəbər verir ki, hadisə nəticəsində 9 nəfər həlak olub.
Çinin Şinşua agentiliyinin verdiyi məlumata görə, Yunnan əyalətində baş verən torpaq sürüşməsi leysan yağışları səbəbiylə meydana gəlib.
Hadisədən dərhal sonra 9 nəfərin itkin düşdüyü ortaya çıxıb. Lakin gün ərzində davam edən axtarış-xilasetmə işlərindən sonra itkin düşən adamların öldükləri məlum olub.
Yerli mənbələrdən verilən məlumata görə, torpaq sürüşməsi nəticəsində 27 nəfər də ciddi zərər görüb. Zərərçəkənlərin dərhal təhlükəsiz yerlərə təxliyə edildiyi bildirilib.