4 şagird də ambulator müalicə üçün evə buraxılıb
Bakıda dönərdən zəhərlənən dörd şagird Sabunçu Tibb Mərkəzinin nəzdindəki 5 saylı Uşaq Yoluxucu Xəstəliklər Xəstəxanasından ambulator müalicə üçün evə buraxılıb. AYNA xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) bildirilib.
Qeyd olunub ki, 24-25 oktyabr tarixlərində dönərdən zəhərlənmə səbəbilə Sabunçu Tibb Mərkəzinin nəzdindəki 5 saylı Uşaq Yoluxucu Xəstəliklər Xəstəxanasına ümumilikdə 24 müraciət daxil olub.
İlkin mərhələdə 20 nəfər, 27.10.2023-cü il tarixində isə müalicəsi davam etdirilən son 4 nəfər də ambulator müalicə üçün evə buraxılıb.