Bu gündən bütün marşrut avtobuslarının fəaliyyəti bərpa edilib
Bu gündən COP29 tədbirinin keçirilməsi ilə bağlı hərəkət sxemi dəyişən və fəaliyyəti dayandırılan bütün marşrut avtobuslarının fəaliyyəti bərpa edilib. AYNA xəbər verir ki, bu barədə Azərbaycan Yerüstü Nəqliyyat Agentliyindən bildirilib.
Xatırladaq ki, ölkədə keçirilən COP29 tədbiri ərəfəsində tədbir iştirakçılarının müntəzəm və təhlükəsiz daşınmasını həyata keçirmək üçün bir sıra marşrut avtobuslarının fəaliyyəti mərhələli şəkildə bərpa olunurdu.