Yerüstü Nəqliyyat Agentliyi məlumat yayıb
Təmir işləri ilə əlaqədar 10 nömrəli avtobus marşrutunun hərəkət sxemi dəyişdirilir.
Bu barədə AYNA.AZ Azərbaycan Yerüstü Nəqliyyat Agentliyinə (AYNA) istinadən xəbər verir.
Məlumata görə, paytaxtın Xətai rayonu, Süleyman Vəzirov küçəsində (Mərkəzi Bulvar küçəsindən Babək prospekti istiqamətində) aparılacaq təmir işləri ilə əlaqədar 10 nömrəli avtobus marşrutunun hərəkəti Mərkəzi Bulvar küçəsi ilə təşkil ediləcək.