“Ölkəyə yenə təlim keçmiş itlərin gətirilməsi nəzərdə tutulur"
Son bir neçə gündə mina axtarışlarına dəstək verilməsi üçün daha 5 təlim keçmiş it gətirilib. AYNA APA-ya istinadən xəbər verir ki, bunu jurnalistlərə açıqlamasında Azərbaycan Respublikası Minatəmizləmə Agentliyin İdarə Heyətinin sədri Vüqar Süleymanov deyib.
O bildirib ki, 2021-ci idə ABŞ-ın Marşal İrsi İnstitutu ilə razılaşma imzalanıb və həmin razılaşmada nəzərdə tutulan son 5 it artıq Azərbaycandadır.
"Bundan əlavə, ölkəyə yenə də təlim keçmiş itlərin gətirilməsi nəzərdə tutulur", - deyə o qeyd edib.