“Azeri Light”ın bir bareli 88 dollardan baha satılır
Dünya birjalarında neft qiymətləri müxtəlif istiqamətlərdə dəyişib. AYNA xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,02 dollar azalaraq 83,54 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,3 dollar artaraq 79,49 dollar təşkil edib.
Azərbaycan neftinin də qiyməti artıb. “Azeri Light” markalı neftin bir barelinin qiyməti 0,29 dollar və ya 0,33 faiz artaraq 88,31 dollar olub.
Qeyd edək ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.