Brüssel əvvəllər rüsumsuz olan bir neçə mal üçün tarif məhdudiyyətləri tətbiq edəcək
Avropa İttifaqı (Aİ) iyunun 6-dan etibarən Ukraynadan bəzi malların, o cümlədən kənd təsərrüfatı məhsullarının idxalına rüsumları əhəmiyyətli dərəcədə artıracaq. AYNA.AZ xəbər verir ki, bu barədə “Financial Times” (FT) öz mənbələrinə istinadən yazıb.
Mənbələrin məlumatına görə, qərar qüvvəyə minərsə, qarğıdalı, şəkər, bal və quş ətinə rüsumlar artacaq. Brüssel əvvəllər rüsumsuz olan bir neçə mal üçün tarif məhdudiyyətləri tətbiq edəcək. Cari ödənişlər əhəmiyyətli dərəcədə artırılacaq.
FT yazıb ki, Avropa Komissiyası Kiyevlə yeni ticarət sazişi üzrə danışıqlar aparır, lakin eyni zamanda, azad ticarətdən proteksionist tədbirlərə keçid üzərində işləyir.
Kiyevin çətinlikləri 2025-ci il yanvarın 1-dən altı ay müddətinə Aİ Şurasına sədrlik edən Polşa ilə fikir ayrılıqları səbəbindən yaranıb. Aprelin 10-da Brüsseldə keçirilən Aİ-Ukrayna biznes forumunda çıxışı zamanı Polşanın Avropa məsələləri üzrə naziri Adam Szlapka bəyan edib ki, Aİ Ukraynanın ticarət seçimlərini iyun ayına qədər uzatmamaq barədə yekun qərar qəbul edib.