“Səfirlər Rusiyanın Ukraynaya təcavüzünə cavab olaraq 15-ci sanksiyalar paketini indicə razılaşdırıblar”
Avropa İttifaqının (Aİ) 27 ölkəsinin daimi nümayəndələri Ukrayna münaqişəsinə görə Rusiyaya qarşı 15-ci sanksiyalar paketi ilə bağlı razılığa gəliblər. AYNA xarici mediaya istinadən xəbər verir ki, bu barədə Macarıstanın Aİ Şurasındakı nümayəndəliyi məlumat yayıb.
“Səfirlər Rusiyanın Ukraynaya təcavüzünə cavab olaraq 15-ci sanksiyalar paketini indicə razılaşdırıblar”, - deyə bəyanatda bildirilir.
Qeyd olunub ki, yeni sanksiyalar paketinə fərdi sanksiyalarla yanaşı, Rusiya Federasiyasına yardım edən üçüncü ölkələrin məhkəmələrinin fəaliyyətinin məhdudlaşdırılması da daxildir.