Bayden əvvəlcə Brüsseldə görüşlər keçirəcək
ABŞ Prezidenti Co Bayden Polşaya səfər edəcək. AYNA xaricdi medyaya istinadən xəbər verir ki, bu barədə Ağ Ev məlumat yayıb.
Baydenin Brüsseldə Avropa İttifaqı və NATO liderləri ilə görüşlərdən sonra Polşaya səfər etməsi gözlənilir.
“Prezident Bayden bu həftə Belçikanın Brüssel şəhərində NATO müttəfiqləri, G7 liderləri və Avropa İttifaqı ölkələri rəhbərləri ilə görüşlər keçirəcək. Sonra Ukraynaya dəstək vermək və Rusiyaya qarşı sanksiyaları artırmaqda beynəlxalq səyləri müzakirə etmək üçün bu həftə Polşaya gedəcək”, - deyə Ağ Evin mətbuat katibi Cen Psaki deyib.