Ukrayna Prezidenti Ukrayna-NATO Şurasının yaradılmasına münasibət bildirib
“NATO-Ukrayna Şurası təkcə iştirak deyil, inteqrasiya vasitəsidir”. AYNA xarici mediaya istinadən bildirir ki, bu sözləri Ukrayna Prezidenti Volodimir Zelenski “Twitter”də Şuranın yaradılmasını şərh edərkən yazıb.
“NATO-Ukrayna Şurası sadəcə iştirak aləti deyil, inteqrasiya alətidir. Və bu, bizdə İttifaqın bir hissəsi olacağımız hissini verir”, - deyə Ukrayna lideri bildirib.
Bundan əlavə, Zelenski münaqişə bitdikdən sonra Ukraynanın NATO-ya üzv olacağına əminliyini ifadə edib. Kiyev alyansa qoşulmaq üçün lazım olan hər şeyi edəcək”, o əlavə edib.