Həbs olunanlar arasında keçmiş deputat da var
Venesuela məhkəməsi 2018-ci ildə prezident Nikolas Maduroya qarşı törədilmiş sui-qəsd cəhdi ilə bağlı prosesə yekun vurub.
AYNA APA-ya istinadla xəbər verir ki, məhkəmənin hökmü ilə 17 nəfər azadlıqdan məhrum edilib. Onlardan 12 nəfər maksimal həddə - 30 il müddətinə azadlıqdan məhrum ediliblər. Onların arasında keçmiş deputat da var. Digər təqsirləndirilən şəxslərin həbs müddəti 5-24 il arası dəyişir.
Qeyd edək ki, dövlət başçısına 4 avqust 2018-ci ildə milli bayram günü PUA-larla sui-qəsd təşkil edilib. Maduro və ətrafındakı şəxslər hücumdan salamat çıxıb.