Şahruddin Məhəmmədəliyev “Qarabağ”dan getdi
“Qarabağ” komandası qapıçı Şahruddin Məhəmmədəliyevlə yollarını ayırıb. AYNA xəbər verir ki, bu barədə Ağdam klubunun rəsmi “Facebook” səhifəsində videoçarx paylaşılıb.
Videonun üzərində “Təşəkkürlər, Şah” yazılıb.
Qeyd edək ki, Azərbaycan millisinin də formasını geyinən Şahruddin Məhəmmədəliyev karyerasını Türkiyədə davam etdirəcək. 29 yaşlı qolkiper Superliqada çıxış edən “Adana Demirspor”la anlaşıb.