Bir hərbçi ölüb, avtobusun sürücüsü və üç əsgər isə yaralanıb
Suriyanın paytaxtı Dəməşqdə suriyalı əsgərləri daşıyan avtobus partlayıb. AYNA SANA-ya istinadən bildirir ki, hadisə nəticəsində bir hərbçi ölüb.
Avtobusun sürücüsü və üç əsgər isə yaralanıb. Yaralılar xəstəxanaya çatdırılıblar.
Məlumata görə, partlayış avtobusun mühərrikində yanacaq çənini alışdıran naqildəki qısa qapanma nəticəsində baş verib.
Daha əvvəl mətbuatda partlayışın terrorçular tərəfindən təşkil edildiyi barədə məlumatlar yayılmışdı.