Əşyaları Polad Həşimovun həyat yoldaşı muzeyə təqdim edib
Azərbaycanın Milli Qəhrəmanı, Azərbaycan Silahlı Qüvvələrinin general-mayoru, 3-cü Ordu Korpusunun Komandir müavini, Qərargah rəisi (2017–2020), şəhid Polad Həşimovun şəxsi əşyaları (hərbi kəməri, üzərində “Azərbaycan Ordusu 100 il” yazılmış qələmi, təsbehi və əlyazmaları) Tarix Muzeyinə təqdim edilib. AYNA xəbər verir ki, bu barədə Tarix Muzeyindən bildirilib.
Əşyaları onun həyat yoldaşı Ofelya Salmanova muzeyə təqdim edib.
Muzeyin yeni qurulan ekspozisiyasında P.Həşimovun şəxsi əşyalarının nümayişi məqsədilə xüsusi vitrin ayrılıb. Ekspozisiya tezliklə ziyarətçilərin ixtiyarına veriləcək.
