Fransanın Ukraynaya verdiyi AMX-10 RC tankı yaxşı vəziyyətdə ələ keçirilib
Rusiya ordusunun əsgərləri Fransanın Ukraynaya verdiyi təkərli AMX-10 RC tankını Zaporojye istiqamətində ələ keçiriblər. AYNA xəbər verir ki, bu barədə “Biz Rusiya ilə birlikdəyik” hərəkatının rəhbəri Vladimir Roqov TASS-a bildirib.
"Zaporojye istiqamətində bizim uşaqlar çox yaxşı vəziyyətdə olan AMX-10 RC təkərli tankı ələ keçirdilər”, - Roqov qeyd edib.
Xatırladaq ki, bir müddət öncə Ukraynanın 37-ci Dəniz Piyada Briqadasının batalyon komandiri bildirib ki, fransız təkərli tankları yaxşı silahlanmış olsalar da, hücum üçün yararsızdırlar.