"Nə? Harada? Nə vaxt?" intellektual oyununun azərbaycanlı iştirakçısı cinayət işi ilə bağlı axtarışa verilib
Rusiya Daxili İşlər Nazirliyi (DİN) "Nə? Harada? Nə vaxt?" intellektual oyununun azərbaycanlı iştirakçısı Rövşən Əsgərovu cinayət işi ilə bağlı axtarışa verib. AYNA TASS-a istinadən xəbər verir ki, bu barədə DİN-in məlumatında qeyd olunub.
Xatırladaq ki, Rusiya İstintaq Komitəsinin Baş İstintaq İdarəsi aprelin 27-də R.Əsgərov barəsində nasizmin reabilitasiyası maddəsi ilə cinayət işi açıb. İddialara əsasən, R.Əsgərov öz "Facebook" səhifəsində Sovet İttifaqının marşalı Georgi Jukovun xatirəsini təhqir edən yalan məlumatlar yayıb.