Təbii qaz nəqlinin dayandırılması bütün maraqlı tərəflərlə əvvəlcədən razılaşdırılıb
“Türk axını” kəmərinə iyunun 21-28-də illik texniki qulluq göstəriləcək və bu səbəbdən boru kəmərinin hər iki xətti ilə Rusiya təbii qazının nəqli müvəqqəti olaraq dayandırılacaq”. AYNA Rusiya mətbuatına istinadən xəbər verir ki, bu barədə “Qazprom” məlumat yayıb.
Bildirilib ki, təbii qaz nəqlinin dayandırılması bütün maraqlı tərəflərlə əvvəlcədən razılaşdırılıb.
Xatırladaq ki, “Türk axını” kəməri ilə Rusiyadan Qara dəniz vasitəsilə Türkiyəyə, daha sonra isə Cənubi və Cənub-Şərqi Avropa ölkələrinə təbii qaz nəql edilir. Layihənin ötürücülük gücü ildə 31,5 milyard kubmetrdir.