Şahin Qarayev müxtəlif dərəcəli bədən xəsarətləri alıb
Prokurorluq Goranboy rayon sakininin minaya düşməsi ilə bağlı məlumat yayıb.
Rayon prokurorluğundan AYNA-ya daxil olan məlumatda deyilir:
"Noyabrın 20-də saat 12 radələrində 1972-ci il təvəllüdlü Şahin Qarayevin Goranboy rayonunun Tapqaraqoyunlu kəndinin yaxınlığındakı ərazidə piyada əleyhinə minaya düşməsi barədə rayon prokurorluğuna məlumat daxil olub.
Aparılan araşdırmalarla Şahin Qarayevin kənd-təsərrüfat fəaliyyəti ilə məşğul olarkən qeyd edilən ərazidə minaya düşməsi nəticəsində müxtəlif dərəcəli bədən xəsarətləri alması müəyyən edilib.
Faktla bağlı Goranboy Rayon Prokurorluğu tərəfindən araşdırma aparılır".