Müsabiqədən keçən şəxsin qeydiyyatdan keçməməsi təhsil almaqdan imtina etməsi kimi qiymətləndirilir
Peşə təhsil müəssisələrinə tələbə qəbulunun I mərhələsi çərçivəsində müsabiqədən keçən şəxslər üçün sənəd qəbulu bu gün saat 17:00-da başa çatacaq. AYNA xəbər verir ki, bu barədə Peşə Təhsili üzrə Dövlət Ağentliyindən bildirilib.
Qeyd olunub ki, qəbulun birinci mərhələsində müsabiqədən keçən şəxsin qəbul olunduğu peşə təhsil müəssisəsində bu gün saat 17:00-dək qeydiyyatdan keçməməsi və ya sənədlərini tam təqdim etməməsi onun həmin ixtisas üzrə təhsil almaqdan imtina etməsi kimi qiymətləndirilir.