Pentaqon 11,7 milyard dollara 145 ədəd “F-35” sifariş verib

Pentaqon 46 təyyarəni üçüncü ölkələrə satacaq

ABŞ Müdafiə Nazirliyi 11,7 milyard dollara 145 ədəd beşinci nəsil F-35 döyüş təyyarəsi almağa qərar verib.

AYNA xəbər verir ki, bu barədə Pentaqonun saytında məlumat verilib.

Qırıcıların tədarükü Amerikanın “Lockheed Martin” hərbi-sənaye korporasiyası tərəfindən təmin ediləcək.

Pentaqon 46 təyyarəni üçüncü ölkələrə satacaq. Bundan əlavə, müqaviləyə Yaponiya və İtaliyada son montaj və yoxlama obyektləri üçün alət dəstəyi daxildir.