Güclü yağışlar nəticəsində ölənlərin sayı 115-ə yüksəlib
Pakistanın Kəraçi şəhərində güclü yağış və tufan nəticəsində 5 nəfər ölüb. AYNA xarici KİV-ə istinadən xəbər verir ki, bu haqda Ekologiya və İqlim Dəyişiklikləri Nazirliyi məlumat verib.
Bildirilib ki, Pakistanda bu il musson yağışları keçən illə müqayisədə 87 faiz artıb.
İyunun 1-dən fasilələrlə davam edən güclü yağışlar nəticəsində şəhərdə ölənlərin sayı 115-ə yüksəlib.
Sosial mediada əks olunan görüntülərdə bəzi yerlərdə suyun səviyyəsinin nəqliyyat vasitələrinin üzərindən qalxdığı, bəzi insanların isə şişmə qayıqlarla yoluna davam etməyə çalışdığı görülüb.