Yanğının daha geniş sahəyə yayılmasına imkan verilməyib
Naxçıvan şəhərində fərdi yaşayış evində baş verən yanğın söndürülüb. AYNA xəbər verir ki, bu barədə Naxçıvan Muxtar Respublikasının (NMR) Fövqəladə Hallar Nazirliyindən (FHN) bildirilib.
Qeyd olunub ki, nazirliyin “112” qaynar telefon xəttinə Naxçıvan şəhərində fərdi yaşayış evində yanğın baş verməsi barədə məlumat daxil olub.
Məlumatla əlaqədar dərhal əraziyə Naxçıvan şəhər Dövlət Yanğın Mühafizə hissəsinin yanğından mühafizə bölmələri cəlb olunublar.
Yanğınsöndürənlərin operativ müdaxiləsi sayəsində yanğın daha geniş sahəyə yayılmasına imkan verilmədən söndürülüb.