Nikolas Maduro: "Venesuelada qalıb sizinlə birgə işləyəcəyəm"
Venesuela Prezidenti Nikolas Maduro, bu il BMT Baş Assambleyasının iclasında iştirak etməyəcəyini, əvəzində vitse-prezident Delsi Rodriqezin Nyu-Yorka yola düşəcəyini söyləyib.
AYNA "Report"a istinadən xəbər verir ki, bunu Maduro ictimaiyyət qarşısında çıxış edərkən deyib.
"Vitse-prezident Delsi Rodriqez və Xarici İşlər naziri bu il BMT Baş Assambleyasının iclasına gedəcəklər. Keçən il Nyu-Yorkda idim, bu il getməyəcəyəm, burada - Venesuelada qalıb sizinlə birgə işləyəcəyəm", - deyə Prezident vurğulayıb.
O əlavə edib ki, Rodriqes ABŞ-ın sanksiyalarına qarşı çıxan milyonlarla vətəndaşın imzaladığı məktubu BMT baş katibinə təqdim edəcək.