ABŞ-ın keçmiş dövlət katibi 84 yaşında dünyasını dəyişib
ABŞ-ın keçmiş dövlət katibi Madlen Olbrayt vəfat edib. AYNA xarici mediaya istinadən bildirir ki, diplomat 84 yaşında xərçəng xəstəliyindən dünyasını dəyişib.
Qeyd edək ki, o, ABŞ-ın ilk qadın, eləcə də 64-cü dövlət katibi olub. Olbrayt 1937-ci ildə Çexiyanın Praqa şəhərində diplomat ailəsində anadan olub. 1978-ci ildən ABŞ Prezidenti Ceyms Karterin hökuməti dövründə Milli Təhlükəsizlik Şurasının üzvü təyin edilib, 1984 və 1988-ci illərdə xarici siyasət məsələləri üzrə əlaqələndirici işləyib.
Olbrayt 1993-cü ilin fevralında ABŞ-ın BMT-dəki daimi nümayəndəsi təyin edilib. 1997-2000-ci illərdə isə ABŞ-ın dövlət katibi olub.