Kubokun finalında "Liverpul" "Çelsi"ni məğlub edib
İngiltərə Liqa Kubokunun finalında "Liverpul" London "Çelsi"sinə qalib gələrək kuboku qazanıb.
AYNA xəbər verir ki, matçın əsas və əlavə vaxtında qalibi müəyyən etmək mümkün olmayıb. "Liverpul" penaltilər seriyasında "Çelsi"dən daha dəqiq olub.
Bununla da, "Liverpul" tarixində 9-cu dəfə Liqa Kubokunu qazanıb. Bu, turnirin rekord göstəricisidir.
Mersisaydlılar sonuncu dəfə kuboku 2011/2012 mövsümündə qazanmışdı.