Ceyhun Baloğlanov barəsində araşdırma aparılır
Mingəçevir Şəhər Polis Şöbəsinin əməkdaşları tərəfindən karantin rejimi ilə əlaqədar həyata keçirilən nəzarət tədbirləri zamanı ev şəraitində müalicəyə cəlb olunan şəhər sakini Ceyhun Baloğlanovun yaşayış yerini tərk edərək digər şəxslərin sağlamlığı üçün real təhlükə yaratdığı məlum olub.
Daxili İşlər Nazirliyinin (DİN) Mətbuat Xidmətinin Şəki regional qrupundan AYNA-ya verilən məlumata görə, həmin şəxs küçədə hərəkətdə olarkən polislər tərəfindən saxlanılıb və tibbi prosedurlar da gözlənilməklə yaşadığı ünvana geri qaytarılıb. Ceyhun Baloğlanov barəsində araşdırma aparılır.