Mer: “Hamıdan xahiş edirəm ki, evdə və ya sığınacaqlarda qalsınlar”
Martın 21-də Kiyevdə gücləndirilmiş komendant saatı tətbiq ediləcək. AYNA xarici mediaya istinadən bildirir ki, bu barədə Ukrayna paytaxtının meri Vitali Kliçko deyib.
Komendant saatı bu gün saat 20:00-dan başlayacaq və 23 mart saat 07:00-a kimi davam edəcək.
“Komendant saatı müddətində mağazalar, apteklər, yanacaqdoldurma məntəqələri və digər obyektlər işləməyəcək. Ona görə də hamıdan xahiş edirəm ki, evdə və ya sığınacaqlarda qalsınlar. Yalnız xüsusi buraxılışları olan avtomobillər şəhər ətrafında hərəkət edə biləcək",- deyə Kliçko əlavə edib.