Bu barədə şirkət "Twitter"də bildirib
İsveçrənin hava hərəkətinə nəzarət şirkəti “Skyguide”, xidmətin üzləşdiyi texniki nasazlıq səbəbindən İsveçrənin hava məkanının bağlandığını bildirib. Bu barədə AYNA xarici KİV-ə Rusiya mətbuatına istinadən xəbər verir.
““Skyguide”də texniki nasazlıq - İsveçrə hava məkanı növbəti bildirişə qədər bağlanıb", - deyə şirkət "Twitter"də bildirib.
Cenevrə və Sürix hava limanlarının administrasiyalarından daha əvvəl bildirilib ki, bu şəhərlərin hava limanlarından qalxan və onlara çatan bütün reyslər çərşənbə günü səhər “Skyguide”ın sistem nasazlığı səbəbindən təxirə salınıb.
““Skyguide” ilə bağlı sistem nasazlığı səbəbindən Cenevrə hava limanında bütün uçuşlar və enişlər çərşənbə günü, iyunun 15-i saat 11:00-a qədər dayandırılıb. Sərnişinlərə məlumat almaq üçün hava yollarını izləmələri tövsiyə olunur", - deyə aeroport administrasiyası "Twitter"də bildirib.
Oxşar məlumatı Sürix hava limanının administrasiyası sosial şəbəkədə dərc edib.