Görüş media nümayəndələri üçün qapalıdır
Türkiyənin İstanbul şəhərində Rusiya və Ukrayna nümayəndələrinin növbəti görüşü keçirilir. AYNA "RİA Novosti"yə istinadən bildirir ki, görüş media nümayəndələri üçün qapalıdır.
"Danışıqlar Türkiyə Prezidentinin Dolmabağça iqamətgahında keçirilir. Buna qədər isə nümayəndə heyətlərinin rəhbərləri - Rusiya Prezidentinin köməkçisi Vladimir Medinski və Ali Radanın “Xalqın xidmətçisi” fraksiyasının rəhbəri David Araxamiya arasında ikitərəfli görüş keçirilib", - deyə məlumatda bildirilir.
Qeyd edək ki, bundan əvvəl nümayəndələrin Belarusda bir neçə dəfə görüşü keçirilib. Həmin görüşlərdə ciddi nəticələr əldə edilə bilməyib.