Birinci mərhələdə yük avtomobillərinin gediş-gəlişi təmin ediləcək
İranla Türkiyə arasındakı Bəzarqan sərhəd-keçid məntəqəsi bu gün açılıb. AYNA xarici mətbuata istinadən bildirir ki, bu barədə Bəzarqan sərhəd-keçid məntəqəsinin rəisi Sadiq Namdar məlumat verib. O bildirib ki, birinci mərhələdə yük avtomobillərinin gediş-gəlişi təmin ediləcək. Hər bir avtomobil məntəqədə yaradılmış mərkəzdə dezinfeksiya edilərək ölkəyə buraxılacaq. İkinci mərhələ də isə vətəndaşların qarşılıqlı gedişi-gəlişinə icazə veriləcək.
Namdar qeyd edib ki, üç ay bağlı qaldıqdan sonra məntəqənin açılışı zamanı bəzi texniki tədbirlər görülüb, kompüter avadanlığı yenilənib.
Qeyd edək ki, İranla Türkiyə arasındakı sərhəd-keçid məntəqəsi İranın Qərbi Azərbaycan vilayətində Urmiya şəhərinin yaxınlığında yerləşir.