Yaralılar Şirvan Şəhər Mərkəzi Xəstəxanasına yerləşdirilib
Hacıqabul rayonunda 3 nəfərin xəsarət alması ilə nəticələnən yol qəzası baş verib. AYNA-nın "Report"a istinadən məlumatına görə, hadisə Bakı-Qazax magistralının rayonun Muğan qəsəbəsi ərazisindən keçən hissəsində qeydə alınıb. Belə ki, “Mercedes” markalı avtomobil digər minik avtomobili ilə toqquşub.
Qəza nəticəsində İmişli rayon sakiləri - Ağayev Məmmədalı Ələsgər oğlu, Ağayeva Təranə Mikayıl qızı və Ağayev Şahid Məmmədalı oğlu müxtəlif dərəcəli xəsarətlər alıblar.
Yaralılar Şirvan Şəhər Mərkəzi Xəstəxanasına yerləşdirilib.
Faktla bağlı araşdırma aparılır.