Fransa Prezidenti: “Bunun üçün uzunmüddətli öhdəliklər götürməliyik”
Fransa Prezidenti Emmanuel Makron Ukraynanın müharibədən sonra NATO-ya daxil olması ideyasını dəstəkləyib. AYNA xəbər verir ki, bu barədə “Euractiv” məlumat yayıb.
“Vilnüsdə qəbul etdiyimiz qərarlar bizi uzun illər bağlayır – mən ilk növbədə Ukraynaya dəstəyi nəzərdə tuturam, bunun üçün uzunmüddətli öhdəliklər götürməliyik”, – Makron deyib.
Fransa lideri əlavə edib ki, Alyans ölkələri hələ Ukraynanın 2008-ci ildə vəd edilmiş NATO-ya daxil olması perspektivini formalaşdırmalıdır.
Qeyd edək ki, NATO üzvləri 2008-ci il Buxarest Bəyannaməsində Ukrayna və Gürcüstana nə vaxtsa Alyansa qoşulacaqlarına söz veriblər. Ötən ilin sentyabrında Ukrayna NATO-ya üzv olmaq üçün müraciət edib. Bir neçə NATO üzvü Ukraynanın namizədliyini dəstəklədi, digərləri isə tərəddüd edib və ya mövqe nümayiş etdirməkdən imtina edib.